ސިވިލް ސަރވިސް ޓްރެއިނިންގ އިންސްޓްޓިއުޓްގެ ވެބިނަރ ސީރީޒްގެ ދަށުން ޔޫ.އެން.ޑީ.ޕީ މޯލްޑިވްސް އާއި ގުޅިގެން "ޓްވެންޓީ ވަން ލެސަންސް ފޯރ ދަ ޓްވެންޓީ ފަސްޓް ސެންޗަރީ" ނަމުގައި ހާއްސަ ވެބިނަރ ޝެޝަނެއް، މިއަދު، 15 އޯގަސްޓް 2021 ގައި ބާއްވައިފިއެވެ. 

ސިވިލް ސަރވިސްގެ މުވައްޒަފުންނަށް ހާއްސަކޮށްގެން އާއްމުކޮށް ހުޅުވާލައިގެން ބޭއްވުނު މި ސެޝަންގައި މައުލޫމާތު ދެއްވީ ޔޫ.އެން.ޑީ.ޕީ މޯލްޑިވްސްގެ އިނޮވޭޝަން، ރިސަރޗް އެންޑް ޑިވެލޮޕްމެންޓް ލީޑް، ފެނަރންޑޯ ގަލިންޑޯ ރޮޑްރީގޭޒް އެވެ.

މި ސެޝަންގައި ޕޮލިސީ ފޯމޭޝަންގެ އެހީގައި ސިވިލް ސަރވިސްގެ ހިންގުން ހަރުދަނާކުރުމަށް ކުރެވިދާނެ ކަންތައްތަކުގެ މައްޗަށް އަލިއަޅުވާލައި މުވައްޒަފުންނަށް ބޭނުންތެރި މައުލޫމާތު ވަނީ ފޯރުކޮށްދެވިފައެވެ.

ޒޫމް މެދުވެރިކޮށް، ފޭސް ބުކް އަދި ޔޫޓިއުބް އިން ލައިވްކުރެވުނު މި ސެޝަންގައި 100 އަށްވުރެ ގިނަ ފަރާތުން ބައިވެރިވެ މައުލޫމާތު ލިބިގެންފައިވެއެވެ.

މިއީ، ސިވިލް ސަރވިސް ޓްރެއިނިންގ އިންސްޓިޓިއުޓުން 2021 ވަނަ އަހަރު ސިވިލް ސަރވިސްގެ މުވައްޒަފުންނަށް ޔޫއެންޑީޕީ އާއި ގުޅިގެން ޔޫ.އެން.ޑީ.ޕީ މޯލްޑިވްސް ނެކްސްޓްޖެން ވެބިނަރ ސީރީސްގެ ދަށުން ހިންގުނު ފުރަތަމަ ސެޝަނެވެ. މިސީރީޒްގެ ދަށުން އިތުރު 4  ސެޝަންތަކެއް މިއަހަރު ބޭއްވުމަށް ވަނީ ހަމަޖެހިފައެވެ.