ސިވިލް ސަރވިސް ޓްރެއިނިން އިންސްޓިޓިއުޓްގައި 2020 ވަނަ އަހަރު ހިންގުނު ޑިޕްލޮމާ އިން ޕަބްލިކް އެޑްމިނިސްޓްރޭޝަން އެންޑް މެނޭޖްމަންޓްގެ ކޯހުގެ ދަސްވެނިވުމުގެ ރަސްމިއްޔާތު މިއަދު، 9 ނޮވެންބަރު 2021 ގައި ސވިލް ސަރވިސް ކޮމިޝަނުގައި ބާއްވައިފިއެވެ. 

މިހަފްލާ ޝަރަފްވެރިކޮށްދެއްވީ ސިވިލް ސަރވިސް ކޮމިޝަނުގެ ރައީސް އަލްފާޟިލް މުހައްމަދު ނާސިހް އެވެ. ޝަރަފުވެރި މެހުމާނުގެ ވާހަފުޅުގައި، މުވައްޒަފުން ބިނާކުރުމުގައި ސިވިލް ސަރވިސް ޓްރެއިނިންގ އިންސްޓިޓިއުޓުން ކުރަމުންދާ މަސައްކަތްތަކަށް އަލިއަޅުވާލައި ވަނީ ވާހަކަފުޅު ދައްކަވާފައެވެ.

މި ރަސްމިއްޔާތުގައި ސިވިލް ސަރވިސް ޓްރެއިނިންގ އިންސްޓިޓިއުޓްގެ ޑިރެކްޓަރ ފާތުމަތު ހަބީބާ ވަނީ ކޮވިޑް-19 ގައި ހާލަތުގައި ވެސް 2020 ވަނަ އަހަރު އިންސްޓިޓިއުޓުން ކުރިޔަށްގެންގޮސްފައިވާ ފަހަގަކޮށްލެވޭ މުހިންމު ކަންކަމުގެ މައްޗަށް އަލިއަޅުއްވާލައްވައި ހޯދާފައިވާ ކުރިއެރުންތައް ބައިވެރިންނާއި ހިއްސާ ކުރައްވާފައެވެ.

މާލެއާއި އަތޮޅުތަކުގައި މަސައްކަތްކުރައްވާ ސިވިލް ސަރވިސްގެ މުވައްޒަފުންގެ ހުނަރާއި ގާބިލްކަން އިތުރުކުރުމުގެ ގޮތުން ކޮންމެ އަހަރަކުވެސް ތަފާތު ދާއިރާތަކުން ކުރު އަދި ދިގު މުއްދަތުގެ ކޯސްތައް އިންސްޓިޓިއުޓުން އަންނަނީ ހިންގަމުންނެވެ.

2020 ވަނަ އިންސްޓިޓިއުޓްގައި ހިންގުނު ޑިޕްލޮމާ ކޯހުގައި ޖުމްލަ 18 ދަރިވަރުން ވަނީ ސެޓްފިކެޓް ހާސިލްކޮށްފައެވެ.