ދިވެހިރާއްޖޭގެ ރައީސުލްޖުމްހޫރިއްޔާގެ ނައިބް ރައީސް ފައިސަލް ނަސީމް ސިވިލް ސަރވިސް ޓްރެއިނިންގ އިންސްޓިޓިއުޓަށް މިއަދު، 25 އޮކްޓޫބަރ 2021 އަށް ހާއްސަ ޒިޔާރަތެއް ކުރައްވައިފިއެވެ.

ނައިބް ރައީސްގެ މި ޒިޔާރަތުގައި ސިވިލް ސަރވިސް ޓްރެއިނިންގ އިންސްޓިޓިއުޓުން ކުރިއަށްގެންދާ ތަމްރީނު ޕްރޮގްރާމްތަކުގެ މައުލޫމާތު އޮޅުންފިލުވައި، މުވައްޒަފުންގެ ގާބިލްކަން އިތުރުކުރުމަށް ކުރެވިދާނެ ކަންތައްތަކާއި ބެހޭގޮތުން މަޝްވަރާކުރެއްވެވިއެވެ.

މިޒިޔާރަތުގައި އިންސްޓިޓިއުޓަށް އެމަނިކުފާނު ވަޑައިގަތުމުން މަރުޙަބާ ވިދާޅުވެ އިސްތިޤްބާލު ކުރެއްވެވީ ކޮމިޝަނުގެ ރައީސް އަލްފާޟިލް މުހައްމަދު ނާސިހްއާއި ކޮމިޝަނުގެ މެންބަރ އަލްފާޟިލާ ފާތިމަތު އާމިރާއާއި އިންސްޓްޓިއުޓްގެ ޑިރެކްޓަރ އަލްފާޟިލާ ފާތުމަތު ހަބީބާގެ އިތުރުން އިންސްޓިޓިއުޓްގެ މުވައްޒަފުންނެނެވެ.